有無試過掉過啲青椒？ 覺得佢黑咗唔靚？ 係咪諗住可能壞咗？ 可能嘅青椒就咁白白犧牲。。。
話說阿四有日買餸就係聽到類似嘅對話， 所以今日講吓～ 希望大家多啲了解吓～
三色椒： 青椒，黃椒，紅椒其實都係同一品種。 而且！！黃椒，甚至係橙椒，仲有紅椒其實都係由青椒變出嚟！！
青椒先係元祖呀！！
黑色嘅青椒？？其實未必係壞咗， 只係咁啱係佢演變嘅過程俾人摘咗落嚟。 青椒係熟嘅過程， 會慢慢產生變化， 變成黃＞橙＞最後變成紅椒。 而佢本身嘅營養價值同功效亦都會 隨著變色而有所唔同！ 甜度都會唔一樣～
當然，係街買到已經係摘咗落嚟嘅椒， 已經唔會再熟性喇～
去判斷好與壞， 可以憑佢哋嘅外表軟爛， 或者有陣怪怪嘅去分辨～ 挺身嘅椒椒基本上都係靚仔可以食用。
阿四