究竟邊種熟度嘅牛肉最好食呢？
牛肉嘅熟度究竟要幾分熟最好食？實際上，呢個問題並冇一個「標準答案」。就正如你可能問牛排應該點煎？係唔係要先灑鹽？每個人都有自己嘅見解，但有樣大家都認同嘅，就係「熟度會影響牛肉嘅風味同口感」。嚟緊阿四會一一講吓啲關於牛肉嘅熟度、煎牛排技巧等等，幫助同大家分享吓烹飪技巧，令大家都享受美食。
為咗尋找唔同部位嘅最佳口感，大家可能喺熟度上面都會有自己嘅偏好。
至於點樣控制牛扒嘅熟度呢？大概有3種方法：
1.時間控制
牛肉厚度？每面牛肉需要煎幾耐？我哋整理咗一張煎牛肉嘅時間表畀大家參考，雖然可以參考，但係影響牛排熟度嘅因素實在太多，例如：「煎pan嘅質料」、「牛肉嘅溫度」、「現時室溫」、「加熱嘅方式」等等...都可能影響最後牛扒呈現嘅熟度同風味，跟住做都未必可以得到一樣嘅結果，所以一面煎幾多秒呢種教學只係參考，要煎出完美熟度嘅牛排最後仲係需要經驗嘅累積，每次試食之後修正下一次煎牛排嘅方式，多練習先係訓練自己精確掌握牛肉熟度嘅唯一方法，以下嘅圖表只係參考「請自行斟酌厚度約略加減秒數」。
| 熟度／厚度 | 1.5CM | 2CM |
| 一成熟 | 兩面各30秒
| 兩面各40秒 |
| 三成熟 | 兩面各45秒
| 兩面各55秒
|
| 五成熟 | 兩面各60秒
| 兩面各70秒
|
| 七成熟 | 兩面各75秒
| 兩面各85秒 |
| 全熟 | 兩面各90秒
| 兩面各100秒 |
2.中心溫度
呢個方法係將食物溫度計插入牛肉嘅中央，相比之下，呢個方法更科學，更精確。當然，最終嘅成果都需要經驗去累積。例如，如果牛肉煎完後會靜置，咁就可以減低大約 3 ºC。溫度計必須插入肉類嘅正中央，咁先會準確。以下嘅溫度表可以作為你嘅參考。
| 熟度
| 中心溫度
|
一成熟 | 48ºC - 49ºC
|
| 三成熟 | 50ºC - 52ºC
|
| 五成熟 | 58ºC - 62ºC
|
| 七成熟 | 65ºC - 68ºC
|
| 全熟 | 73ºC - 90ºC |
3.虎口軟度
依種方法係用手指粗略判斷牛肉熟度方式，你可以利用手指去俾啲壓力撳落去拇指下方嘅虎口肌肉，根據按壓柔軟嘅感覺去對比牛肉的軟度。
結論係當然無絕對完美，唯一嘅方法就係不斷試，找到適合自己的方法慢慢累積煎牛排經驗，透過練習、試吃之後一定能搵到自己最喜歡嘅熟度，每一個人喜歡嘅味道、口感不盡相同，就好似人生一樣沒有必然的方程式，每次都不一樣反而為件事帶嚟更多樂趣。
