【廚刀三國誌】中西日廚刀功用一覽,揀啱俾自己就唔會用錯力甚至傷刀喇
今次同大家講吓關於廚刀。廚刀係每個廚房嘅心臟,無論你煮飯還係炒菜,甚至起魚肉,一把好嘅廚刀都可以幫到你好大忙。
今日我就同大家簡單睇下三大廚刀強國,包括日式，西式同中式廚刀嘅種類同分別。
日式廚刀＊精湛刀工與卓越性能的神秘面紗
日式廚刀憑藉其卓越的切割能力和精湛的刀工技藝而聞名。喺依篇文章裡面，阿四會同大家探索吓不同類型的日式廚刀，簡單介紹下佢哋嘅特點和適用場景。不過喺介紹之前，原來日本曾經有一段長達1200年嘅《肉食禁止令》歷史，亦因為咁，當中佢哋嘅人民飲食習慣曾經出現好大嘅變化，阿四甚至覺得日本人整刺身禁出色，唔多唔少同依段歷史有一定嘅關係。
當年喺天武天皇統治期間，喺公元675年時頒布咗「肉食禁止令」，話說係受到6世紀傳來的佛教思想影響，禁止殺生的風潮高漲的結果。該令規定每年嘅4月到9月的農耕期間，禁止狩獵同食用牛、馬、猿／猴、犬、雞。之後更有多位天皇都好重視精進潔齋（戒肉食，謹言慎行潔淨自身），除了禁止個人狩獵，仲甚至禁止各國進獻魚肉等，忌避肉食的風潮越來越大。好多人被迫改變佢哋的飲食習慣，轉而食用蔬菜、穀物和其他非肉類的食物。導致咗一啲飲食和文化上嘅轉變，並促進了素食主義的發展。
咁當然，依個頒令唔係永久性嘅。隨著時間上推移，加上日本開國後加快咗西方人嘅進駐，配合外交手段下，法令都開始逐漸減弱並最終被廢除。人民都開始重新食用肉類，並恢復番飲食種類嘅多樣性。
日式廚刀
日式廚刀主要種類：
a. 廚刀（Gyuto）: 集合咗多功能性和全能性， 適用於不同食材的切割和切碎。
b. 切身刀（Santoku）: 優雅而多用途的刀身設計， 適合處理蔬菜、肉類和魚類。
c. 切魚刀（Deba）: 專為處理魚類而設計的強力刀具， 獨特的刀刃結構和重量平衡。
d. 切蔬刀（Nakiri）: 專注於處理蔬菜和水果的切割工作， 平坦的刀身和優越的切割效能。
阿四覺得日式廚刀係代表住一份工藝，甚至可以話係業界裏面嘅最高水準，無論係專業廚房佬，定喺屋企廚房大臣，正淨係單單睇住日本師傅落刀，都已經心心眼，能夠品嚐真正嘅職人手藝，絕對係一個絕佳嘅體驗。
西式廚刀
西式廚刀的主要 種類：
西式廚刀嘅歷史起源可以追溯到古代。當時嘅烹飪師傅發現咗原來使用特定刀刃形狀同設計的刀具嘅情況下，可以更有效地處理不同種類嘅食材。於是隨著時間推進，喺款式同設計都進行不斷嘅改進和演變，去滿足不同切割需求。
a. 三德刀 (Santoku Knife)：可以話係全能刀，可以用來切割肉類、蔬菜和瓜果。在西式廚具中，三德刀是最常用的刀具之一。
b. 主廚刀 (Chief's Knife)：係一種多功能刀，可以用來切肉、魚和蔬菜。在西式廚具中，主廚刀是最廣泛使用的刀具，幾乎可以應對所有的工作。
c. 片肉刀 (Carving Knife)：依種刀主要用於切割大塊的肉類，例如烤肉、西式火腿或處理三文魚。
d. 砍刀 (Hackmesser)：這種刀類似於中國的菜刀，但刀身更厚重，主要用於切骨頭和冷凍肉。
e. 剔骨刀 (Boning & Fillet Knives)：這種刀主要用於剔骨和去皮，例如牛腿和整條魚。
f. 多功能小刀 (Utility Knife)：一種縮小版的主廚刀，可以用於削、切、剁和雕刻。
g. 削皮刀 (Paring Knife)：主要用於削皮，特別適合處理圓形的蔬菜和水果。
西式廚刀可以話喺現今嘅廚房不可或缺嘅工具之一。當然，用得多有時反而覺得點樣保養佢先係重點，曾經有位賣廚具嘅行家講： 你養得好一把普通嘅三德刀，好過你嘥錢去買把靚刀轉過頭唔識磨嘥咗佢吖～ 睇嚟要諗定下個topic講養刀同磨刀...
中式廚刀
中式廚刀主要有以下幾種類型：
a. 片刀（Cleaver）：片刀較薄，幾乎能處理 所有食材，但唯一係 唔好拎嚟剁骨，因為刀口會崩，且相較剁刀不夠重，若手力不足，更容易滑開而傷到自己。若拎 片刀去剁比如冷凍肉塊，也容易造成刀口崩裂。
b. 剁刀（Chopper）：剁刀則主砍，用嘅方式不會好似片刀一樣用滑的切開食物，而是直上直落的，以重力去用刀。街市檔攤買排骨豬腳等，你會見到比較多剁刀用嚟剁骨。
c. 文武刀（Slicing Knife）：文武刀係中式菜刀的一種，具有片刀和剁刀的特性，既能切肉，又能斬骨。
廚刀，無論係日式、西式定係中式，都係我哋烹飪嘅重要工具。每種廚刀都有佢自己嘅特性同適用場景，而選擇適合自己嘅廚刀，可以令烹飪變得更加輕鬆同有效率。
無論選擇邊種廚刀，都要記得好好保養同使用。一把養得好嘅廚刀，無論價錢貴定平，都可以用得長久同提供良好嘅烹飪體驗。所以，選擇適合自己嘅廚刀，並學識正確嘅保養同使用方法，係每個愛烹飪嘅人都應該學識嘅技能。
留待下次我哋再講講點樣保養同磨刀啦！